啱啱到上海時,鐘意行JuLuLu-即係巨鹿路,好快行過咗少少去埋隔離長樂路,巨鹿路就入咗冷宮....尋日坐的士路經巨鹿路,秋高氣爽,梧(桐)影婆娑,忍唔住叫司機停車...早少少落車行一陣啦!

巨鹿路828-渡口書店,幫襯咗一本TOO Magazine!!!

雖然買嘅書唔係獨一無二,不過,福州路/新華書店點會有甘樣嘅環境?

巨鹿路其實有好多鋪頭仔,服装,家居,民族工藝品...仲有好多好靚,有型嘅餐廳...

走過竹廊會去到小花園,然後先到餐廳門口

其實喺上海行街,行商塲,百貨公司真係冇癮,好彩上海仲有長樂路,巨鹿路,新樂路,南昌路...仲有一條文廟路...文廟路都算?住咗一年,先知上海有間文廟(只係文,冇'武'),文廟前嘅文廟路,基本上唔同之前提果幾條路,不過朋友喺度開咗間boutique......

簡單,抵買!!!!